Kom ons gooi die owerheid in die inkomste en bestedingskringloop in

As ons kyk na die rol van huishoudings en firmas in die ekonomie (soos hierbo uitgebeeld) sal ons sien dat alle faktore van produksie deur huishoudings besit word. As jy daaraan dink maak dit sin want al die besitters van grond, kapitaal, arbeid en die fabrieksbase het tog almal huise waarheen hulle na werk terugkeer. Firmas aan die ander kant benodig hierdie produksiefaktore van huishoudings, terwyl huishoudings die produkte wat die firmas aanbied benodig. Daar is dus ’n onderlinge afhanklikheid en dit is die rede waarom daar faktormarkte en goederemarkte bestaan. Die een mark koop en verkoop faktore van produksie en die ander goedere en dienste. Let daarop dat die goedere – en dienstekringloop in een rigting beweeg en inkomste en besteding in die teenoorgestelde rigting.

Die owerheid/regering word in die kringloop by gegooi. Die regerings is die land se Fiskale Owerheid en sy vernaamste fiskale instrumente waarmee dit die ekonomie kan manipuleer is: Owerheidsbeteding (G) en belasting (T). Onthou owerheidsbesteding is 'n inspuiting in die ekonomie en belasting 'n lekkasie.

Maak seker dat u die ekonomiese kringloop kan teken en verduidelik.